سياسة الخصوصية
آخر تحديث: 1 نوفمبر 2026
الخلاصة
- مفيش حساب ولا تسجيل دخول.
- بياناتك على موبايلك بس. الاسم والحساسية والعنوان وأرقام الطوارئ مش بتتخزن عندنا.
- المحادثات مش بتتسجل. سيرفراتنا متضبطة إنها ما تحفظش أي بيانات تشغيل.
- مفيش إعلانات ولا بيع بيانات.
- تقدر تمسح كل حاجة بزرار «امسح كل بياناتي» في شاشة «بياناتي».
اللي بيخرج من الموبايل وقت الاستخدام بس
| الميزة | اللي بيتبعت | بيروح فين |
|---|---|---|
| اتكلم بدالي | طلبك، كلام المهمة الحالية، والاسم والعنوان والتأمين والحساسية والملاحظات بس، وملخص آخر 5 مهام لو «وصل يفتكر مهامك» شغال (تقدر تقفله من بياناتي) | سيرفر وصل (n8n)، ثم Claude من Anthropic |
| الترجمة والردود | الجملة اللي اتقالت | سيرفر وصل، ثم Claude |
| قراءة الصورة | الصورة بعد تصغيرها | سيرفر وصل، ثم Claude |
| اطلب دوا للبيت | اسم الصيدلية، وطلبك، والعنوان، ورسايل المحادثة مع الصيدلية اللي إنت بتلصقها أو بتشاركها لوصل. الرسايل نفسها بتتبعت من واتساب بتاعك، وإنت اللي بتدوس إرسال | سيرفر وصل، ثم Claude |
| الرسايل الصوتية | الرسالة الصوتية اللي إنت بتشاركها لوصل، عشان تتحول لكلام مكتوب | سيرفر وصل، ثم ElevenLabs |
| الصوت | الجملة اللي هتتقال | ElevenLabs، واحتياطياً Microsoft Azure |
| فهم الكلام المسموع | صوت اللي قدامك | خدمة الكلام في متصفحك (Google أو Apple) |
| «كلمة اتنطقت غلط؟» | الكلمة اللي إنت اخترتها، والجملة اللي وصل قالها، واللهجة. بيتبعت بس لما تدوس «ابعت» | سيرفر وصل، في جدول عند فريق وصل عشان نصلّح النطق |
عدد المهام في الشهر
كل موبايل ليه 30 مهمة مجانية في الشهر («اتكلم بدالي» و«اطلب دوا للبيت»)، وبتتجدد أول كل شهر. الترجمة والطوارئ مش بيتحسبوا. عشان نعد المهام، سيرفر وصل بيحفظ رقم عشوائي للموبايل (مش رقم تليفونك ولا اسمك)، والشهر، وعدد المهام، من غير أي حاجة من كلام المهمة.
لو فعّلت كود شركة أو جمعية من «بياناتي»، السيرفر بيحفظ إن الرقم العشوائي ده تبع الكود ده، عشان الجهة تعرف عدد الموبايلات وعدد المهام. الجهة مش بتشوف أي كلام أو بيانات شخصية.
التسجيل في التجربة
لو سجّلت في تجربة وَصْل من صفحة التسجيل، اسمك ورقم الواتساب والمحافظة وإجاباتك بتتحفظ في جدول عند فريق وَصْل، عشان نكلمك ونتابع التجربة بس. مش بنشاركها مع حد، وتقدر تطلب مسحها في أي وقت برسالة على واتساب لفريق التجربة.
اللي ما بيخرجش أبداً
- تنبيهات الأصوات: المايك بيتحلل على الموبايل نفسه.
- الإشارات: الكاميرا بتتحلل على الموبايل.
- مكانك: بيتحط في رسالة طوارئ إنت اللي بتبعتها من موبايلك.
- أرقام الطوارئ وفصيلة الدم والأمراض المزمنة: مش بتتبعت مع أي مهمة.
- تذكير الدوا: محفوظ على الموبايل بس. وزرار «ضيفه لتقويم الموبايل» بيعمل ملف تقويم إنت اللي بتفتحه.
- تقييماتك للمهام (👍/👎): محفوظة على الموبايل، وما بتطلعش منه إلا لو إنت دوست «شارك التقييمات»، وساعتها بتطلع بالتاريخ والتقييم بس.
الأذونات
المايك والكاميرا والمكان والاهتزاز بتتطلب وقت ما تستخدم الميزة بس، وتقدر تلغيها من إعدادات المتصفح.
نلتزم بمبادئ قانون حماية البيانات الشخصية المصري رقم 151 لسنة 2020. اللي أقل من 18 سنة يستخدم التطبيق بموافقة ولي أمره.
In English
No account. Profile and emergency data stay in the browser on your phone. Conversations are not recorded, and our server stores no execution data. While a feature is in use, only what it needs is sent: task dialogue, basic profile fields and, if "remember my tasks" is on, short summaries of the last 5 tasks to Anthropic Claude via our n8n server; text to be spoken to ElevenLabs (Microsoft Azure as fallback); speech audio to your browser's speech service; for pharmacy orders, the order details and the pharmacy messages you paste or share go to Claude, and voice notes you share go to ElevenLabs speech-to-text. Messages to the pharmacy are sent from your own WhatsApp by you. If you sign up for the pilot, your name, WhatsApp number, governorate and answers are kept by the Wasl team in a sheet used only to run the pilot; ask us on WhatsApp to delete them anytime. To count the 30 free tasks per month ("Speak for me" and pharmacy orders; translation and SOS are never counted), our server keeps a random phone ID, the month and the task count, with nothing from the conversation. If you enter a company or association code, the server records that this random ID belongs to that code; the organisation sees counts only. The "word said wrong?" button sends only the word you pick, Wasl's sentence and the dialect, and only when you press Send. Sound alerts, sign recognition, location and emergency contacts never leave the phone. No ads or tracking. Delete everything anytime from "My info". We follow Egypt's Personal Data Protection Law No. 151 of 2020.